നമ്മുടെ റെസ്റ്റ് ഹൌസെ ഗെയിം ഒരു പ്രത്യേക സാഹചര്യത്തില്‍ വഴിമുട്ടി
നില്‍ക്കുകയും,പുതിയ ഒരു ഗെയിം അവതരിപ്പിക്കാന്‍ കഴിയാതിരുന്നതും
ദുഫ്ഫായീലെ ബ്ലോഗ് മീറ്റുമായി ഞാനല്‍പ്പം തിരക്കിലായതിനാലായിരുന്നു
എന്ന സന്തോഷ വാര്‍ത്ത അറിയിക്കട്ടെ! ചേറായി മീറ്റിനെ അനുസ്മരിപ്പിക്കുമാറ്
അതേ ആമ്പിയറിലുള്ള ഒരു മീറ്റ് തന്നെയായിരുന്നു ഇപ്രാവശ്യത്തെ യു എ ഇ
മീറ്റും എന്ന് നിസ്സംശയം പറയാം. ഇടക്കൊക്കെ ഇതുപോലുള്ള മീറ്റുകള്‍
നമ്മുടെ ഈ സൌഹ്യദം ഊട്ടിയുറപ്പിക്കാന്‍ ഉപകരിക്കുമെന്നിരിക്കെ
നമുക്കും റെസ്റ്റ് ഹൌസില്‍ ഇടക്കൊക്കെ മീറ്റുകള്‍ നടത്തണം.
അപ്പോള്‍ നമ്മള്‍ അടുത്ത മത്സരത്തിലേക്ക് കടക്കുകയാണ്, അതാണ്
“ അടിക്കുറിപ്പ് മത്സരം “
താഴെ കാണുന്ന ചിത്രത്തിന് ഏറ്റവും രസകരമായ ഒരു കമന്റ്/അടിക്കുറിപ്പ്
തയ്യാറാക്കുക.ഏറ്റവും നല്ല അടിക്കുറിപ്പ് എഴുതുന്നവര്‍ക്ക് റെസ്റ്റ് ഹൌസിലെ
ഒരു വര്‍ഷത്തെ ഫ്രീ താമസം അനുവദിക്കുന്നതാണെന്ന് അറിയിച്ച് കൊള്ളുന്നു.
വളരെ രസകരവും എന്നാല്‍ അഭാസകരമാവാത്തതുമായ അടിക്കുറിപ്പ്
തയാറാക്കുമല്ലോ.അപ്പോള്‍ ഉല്‍ഘാടന ചിത്രം ഇതു തന്നെയാവട്ടെ!
ഇനി ആര്‍ക്കെങ്കിലും രസകരമായ ചിത്രങ്ങള്‍ അയച്ച് തരാന്‍ കഴിയുമെങ്കില്‍
എന്റെ ഇ-മെയിലിലേക്ക് (vazhakodan@gmail.com)അയച്ച് തരുമല്ലൊ.
അപ്പോള്‍ എല്ലാം പറഞ്ഞ പോലെ,അടിക്കുറിപ്പ് മത്സരം ഇവിടെ തുടങ്ങുന്നു!
Posts
